08 августа 2017 г.
Çурла уйăхĕн 3-мĕшĕнче Чăваш Республикин Пуçлăхĕ Михаил Игнатьев Раççей Федерацийĕн Следстви комитечĕн Чăваш Енри Управленийĕнче ĕçлекенсен анлă ларăвне хутшăннă. Пухăннисем 2017 çулăн пĕрремĕш çур çулти ĕç кăтартăвĕсене пăхса тухнă, çитес тапхăр валли тĕллевсене палăртнă.
«Граждансен, обществăн, патшалăхăн прависемпе тата ирĕклĕхне хӳтĕлессипе эсир яваплă ĕç пурнăçлатăр. Çакăн йышши мероприятисем ĕç пĕтĕмлетĕвне тишкерме кăна май памаççĕ, çитменлĕхпе ӳсĕмсене те пăхса тухма пулăшать», - тенĕ хăйĕн сăмахĕнче Чăваш Республикин Пуçлăхĕ Михаил Игнатьев. Михаил Игнатьев республикăра коррупцие хирĕç кĕрешессипе лару-тăру лайăх пулнине, кирек епле должноçри çын та, енчен те унăн айăп пур пулсан, саккун умĕнче явап тытнине асăннă.
Источник: "Авангард" (газета Батыревского района)