Публикации » Пахчари хĕрлĕ мăкăньшĕн чавса çыртасла ỹкĕнĕн

11 августа 2017 г.

Хальхи вăхăтра урамра çутçанталăкăн чи илемлĕ вăхăчĕ çынсене тыткăнлать: уй-хирте тулли пучах пуç таять, пахчасенче çеçке çурнă чечексем хĕм сапса лараççĕ. Çеçке тенĕрен, чечек ăстисен вĕсем хушшине наркотик тытăмлă хĕп-хĕрлĕ мăкăнь çакланасран сыхă пулмалла. Кун пирки районти йĕрке хуралĕн сотрудникĕсем те çирĕп асăрхаттараççĕ. Мĕншĕн тесен çак культурăна хушма хуçалăхра çитĕнтерекенĕн саккунпа явап тытмаллах. Нумай пулмасть республикăри пĕр районта аллăсенчи хĕрарăм шăп та лăп çак сăлтавпа пакунлисен аллине çакланнă та. Пахчара саркаланса ỹсекен 72 тĕп мăкăньшĕн мăнтарăн хĕрарăмĕн суд сакки çинех ларма тивĕ. 

Источник: "Авангард" (газета Батыревского района)