11 августа 2017 г.
Компьютер ĕмĕрĕнче интернет тетелĕсĕр е кĕсъе телефонĕсĕр чăнласах та алăсăрпа пĕрех. Вĕсен çăмăллăхĕпе усă курса кун каçа мĕн чухлĕ ĕç тума пулать-çке! Вăл шутра ыррине те, япăххине те. Çак кунсенче, акă, ман пĕлĕшĕм интернет урлă ỹт-тирне сиплеме крем çырăнса янă. Ара, акци пырать-çке! Пилĕк тюбик туянсан, иккĕшĕ _ парне! Çак кунсенче вара вăл почта урлă килнĕ тавара киле илсе çитернĕ. Пысăках мар курупкана мăшăрĕпе уçаççĕ те тĕлĕнсех каяççĕ. Унта вĕсем кĕтекен маç мар, пĕркеленчĕксенчен пите çемçетмелли йỹнĕ кремсем иккен. Интернетри "ырă" хыпаршăн шар кураканăн вара таварсемшĕн 2700 тенкĕ тỹлесе хăвармах тивнĕ. Вăт çыхлан акцие йĕркелекенсемпе!
Источник: "Авангард" (газета Батыревского района)