Публикации » Хирте е пỹлмере тыр-пула упрама пĕлмелле

22 августа 2017 г.

 Ял çыннишĕн паян хĕрỹ тапхăр. Акнă-лартнă культурăсене тăкаксăр та çухатусăр пуçтарса кĕртесси кашнийĕн тĕп тĕллевĕ. Хальхи вăхăтра хирти е пỹлмери çĕнĕ тырра чăн малтан вут-кăвар таврашĕнчен сыхламалла. Çак тĕллевпе хирте тырă вырнă е йĕтем çинче ăна сортланă вăхăтра та пушар хăрушсăрлăхĕн йĕркисене çирĕп пăхăнмалла. Шанчăксăр электропроводсене çийĕнчех улăштармалла, тĕрлĕрен механизмпа ĕçлекен çынсен техника хăрушсăрлăх йĕркисене çирĕп пăхăнмалла. Унсăрăн кирек мĕнле хуçалăх та тупăш вырăнне пысăк тăкак тỹсме пултарать. Иртнĕ эрнере районти пушар пайĕн тата надзорĕн инспекторĕсемпе ытти яваплă сотрудниксем "Исток" çĕр ĕç фирминче, акционерсен "Батыревский" обществинче йĕркеленĕ пĕрлехи рейдра хуçалăх ĕçченĕсемпе шăпах пушартан сыхланмалли пирки сăмах хускатнă. 

Источник: "Авангард" (газета Батыревского района)