29 августа 2017 г.
Район администраци пуçлăхĕ Р. Селиванов республикăри çул-йĕр министерствин "Чăваш Енри автомобильсен çул-йĕр управленийĕ" хысна учрежденийĕн пай начальникĕпе С. Волковпа тата "ПМК "Партнер-холдинг" пĕрлешĕвĕн директорĕпе А. Козловпа курнăçнă. Тĕл пулура Патăрьелĕнчи икĕ çухрăм ытла тăсăлакан "Калинино-Патăрьел-Елчĕк" çула графикпа килĕшỹллĕн тĕплĕн юсасси тата пахалăхлă тăвасси пирки калаçнă. Сăмах май, объекта кăçалхи октябрь вĕçĕнче ĕçе кĕртмелле.
Çак кунах районта ЧР строительство, архитектура тата çурт-йĕрпе коммуналлă хуçалăх министрĕн пĕрремĕш çумĕ М. Иванов та пулнă. Вăл район администраци пуçлăхĕ Р. Селиванов хăйĕн çумĕсемпе _ Л. Кузнецовпа, Н. Красновпа тата Патăрьел ял тăрăх пуçлăхĕпе Н. Ялуковпа, "Водолей" пĕрлешỹ директорĕпе Ф. Уфуковпа ирттернĕ канашлăва хутшăннă. Мероприятинче Патăрьелĕнче шыв кĕртес тата канализаци ыйтăвне пăхса тухнă. Çавăн пекех хутмалли сезона мĕнле хатĕрленни пирки те сăмах пуçарнă.
(Хамăр корр.)
Источник: "Авангард" (газета Батыревского района)