08 сентября 2017 г.
"Симĕс Раççей" обществăлла юхăм 2017 çулхи авăнăн 2 _ 30-мĕшĕсенче Пĕтĕм Раççейри экологи субботникне тухма, хамăр пурăнакан тавралăха илем кỹме чĕнсе каланă. Экологи çулталăкĕнче массăллă субботник йĕркелени ырă та пархатарлă ĕç.
Ку тĕлĕшпе пирĕн районти ялсенче те тирпейлемелли, йĕркене кĕртмелли вырăнсем сахал мар. Çак шухăша ырласа хăш-пĕр ял тăрăхĕсенче администраци, культура ĕçченĕсем, уйрăм хастарсем, пенсионерсем кар тăма ĕлкĕрнĕ. Туçа, Алманчă, Пăлапуç Пашьел тата ытти хăш-пĕр поселенисенче ăна йĕркеленĕ те. Анчах шел пулин те Раççей шайĕнчи чĕнĕве ним вырăнне хуман ял пуçлăхĕсем те пур-ха. Вĕсемшĕн хушма хушу кирлĕ-ши?
Источник: "Авангард" (газета Батыревского района)