12 сентября 2017 г.
Авăнăн 7-мĕшĕнче "Шупашкар _ Арена" пăр çинче 2016-2017 çулхи сезонта Чăваш Енре "Ялти" ("Сельский") дивизионра хоккейла выляса пĕрремĕш тухнисене савăнăçлă лару-тăрура саламланă, кайран республика Правительствин тата çĕнтерỹçĕсемпе призерсен командисем хушшинче ăмăрту иртнĕ.
Чыслава ЧР Пуçлăхĕ М. Игнатьев, Чăваш Патшалăх Канашĕн Председателĕ В. Филимонов, республикăри физкультура тата спорт министрĕ С. Шелтуков хутшăннă.
"Паян чи вăйлă командăсем кунта, вĕсем ỹт-пỹпе кăна мар, чунпа та çирĕп. Сире малалла та çитĕнỹсем сунатăп, хоккейла выляма ан пăрахăр. Çĕнтерỹсем яланах сирĕнпе пĕрле пулччăр! _ тенĕ М. Игнатьев мала тухнисене пăр çинче те, çемьере те ăнăçу суннă май.
Çĕнтерỹçĕсен шутне пирĕн районти "Олимп" команда та кĕнĕ. Шăпах ăна ăмăртăвăн тĕп награди тивĕçнĕ. Каçалсем _ иккĕмĕш, Йĕпреçсем виççĕмĕш вырăнсене йышăннă.
"Ялти" дивизиона пурĕ 7 команда хутшăннă.
(Хамăр корр.)
Источник: "Авангард" (газета Батыревского района)