15 сентября 2017 г.
Районта çĕнĕ объектсем çĕкленеççĕ, çакă та ĕнтĕ Юхмапа Пăла тăрăхĕ аталанса пынине, паянхи самана таппинчен юлманнине кăтартать. Иртнĕ эрнере Патăрьелĕнче 11 хваттерлĕ çурт хута кайрĕ. Сăмах май, кунта нумай ачаллă пĕр çемье тата ашшĕ-амăшĕсĕр тăрса юлнă ачасем пурăнма пуçлаççĕ. Ăна уçнă çĕре ЧР Министрсен Кабинечĕн Председателĕн çумĕ _ экономика аталанăвĕн, промышленность тата суту-илỹ министрĕ В. Аврелькин, район администрацийĕн пуçлăхĕ Р. Селиванов, Патăрьел ял тăрăх пуçлăхĕ Н. Ялуков тата пысăк пỹрте тăваканĕ _ "Энергострой" пĕрлешĕвĕн ертỹçи И. Маков хутшăнчĕç.
Савăнăçлă лару-тăрура хĕрлĕ хăйăва каснă хыççăн хăнасем хваттерсенчи хăтлăхпа паллашрĕç.
Çуртăн пурăнмалли лаптăкĕ 417 тăваткал метр йышăнать, смета хакĕ _ 15562 пин текнĕ. Объекта 7 уйăхра туса пĕтернĕ. (Хамăр корр.)
Источник: "Авангард" (газета Батыревского района)