19 апреля 2008 г.
Апрелĕн 15-мĕшĕнче райадминистраци залĕнче район депутачĕсен Пухăвĕн черетлĕ ларăвĕ иртнĕ. Унăн ĕçне район пуçлăхĕ Н.Глухов, ЧР Президент Администрацийĕн вырăнти хăйтытăмлăх органĕсен организациллĕ ыйтăвĕсемпе ĕçлекен пай консультанчĕ Ю.Чернов, райадминистрацин структура подразделенийĕсен ертÿçисем, ял тăрăх пуçлăхĕсем хутшăннă.
Ларăва депутатсен Пухăвĕн председателĕ М.Петров уçнă, ертсе пынă.
Депутатсем Патăрьел районĕнче 2008-2012 çулсенче çул-йĕр хăрушсăрлăхне ÿстерес, 2008-2010 çулсенче районта ĕç тата ĕçлев сыхлавĕн условийĕсене лайăхлатас тĕлĕшпе калакан тĕллевлĕ программăсене йышăннă, район администрацийĕн пуçлăхĕн должноçне лартас пирки конкурс ирттермелли йĕрке çинчен Положени çирĕплетнĕ, районти нормативлă право акчĕсене тата вĕсен проекчĕсене коррупцие хирĕçле экспертизăсем ирттермелли йĕрке пирки пăхса тухнă. Ларурах çамрăк çемьесен 2005-2010 çулсенче пурăнмалли çурт-йĕр ыйтăвне татса парас тĕлĕшпе район программине хушусем кĕртнĕ.