Публикации » Ольга Терентьева Раççей чемпионатĕнче палăрнă

26 апреля 2008 г.

Районта тĕрлĕ шайра çитĕнÿ тăвакан çамрăк спортсменсем сахал мар. Акă, сăмахран, апрелĕн 11-16-мĕшĕсенче Адлер хулинче маунтинбайк енĕпе Раççей чемпионачĕ иртнĕ. Çак пысăк пĕлтерĕшлĕ ăмăртăва республикăри команда йышĕпе Нăрваш Шăхалĕнчи вăтам шкулта вĕренекен Ольга Терентьева та хутшăннă. Пĕрремĕш кунхине спортсменка ăмăртура виççĕмĕш вырăн йышăннă, иккĕмĕш кунхине кăтартăва лайăхлатнă, иккĕмĕш тухнă. Юлашкинчен вара Оля пурне те тĕлĕнтернĕ, мĕн пур вăйне пуçтарса пĕрремĕш вырăна çĕнсе илнĕ. Чăваш Республикин Тава тивĕçлĕ тренерĕ В.Афанасьев хатĕрленĕ спортсменăн çитĕнĕвĕпе савăнмалăх, хăпартланмалăх пур.