26 апреля 2008 г.
Чăваш Республикин Президенчĕн “Чăваш Республикинче автомобиль çулĕсене тăвассине хăвăрт вĕçлес енĕпе пурнăçламалли мерăсем çинчен” Указĕ ял çыннисемшĕн пĕлĕтрен татăлса аннă телей пекех пулчĕ. Хăвăрах шутласа пăхăр: вун-вун çул хушшинче тăвайманнине икĕ-виçĕ çултан тума пултарни, халăха ĕмĕрхи нушаран хăтарни çав тери пысăк ĕç мар-и вара;
Иртнĕ çул Чăваш Енре 400 километр ытла çул тунă. Республика кăçал çак тĕллевпе 9 миллиард тенкĕ укçа уйăрать.
2008 çулта 22,4 километр асфальтлă çул тăвассине вĕçлемелле, Люля, Ясная Поляна, Сител, Пÿртлĕ ялĕсене аслă çулпа çыхăнтармалла.
Хальхи вăхăтра çул тăвакан организацисем хăйăр, вак чул турттараççĕ. Çул-йĕр тăвассине Республика кунĕ тĕлне вĕçлесшĕн. Çакă ял халăхĕшĕн пысăк парне пулĕ.
В.МАЛЬЦЕВА.