15:52 03 марта 2014 г.
Иртнĕ шăмат кун, пуш уйăхĕн 1-мĕш кунĕнче, Патăрьел районĕнчи Сăкăт шкулĕнче вĕренекенсемпе вĕрентекенсем уроксем хыççăн пăр çине васкарĕç. Йăлана кĕнĕ тăрăх, кунта хоккейла выляссипе турнир иртрĕ. "Стрела" тата "Молодёжка" ушкăнсем Сăкăт шкулĕнче ачасене вĕрентес тата воспитани парас ĕçре вăй хунă юратнă учителĕсен Тинюков Ю.К. тата Медведев И.И. кубокĕсене çĕнсе илессишĕн ăмăртрĕç.
Вăйă пуçламăшĕнче Сăкăт ял тăрăхĕн ертÿçи С.И.Толстов, Сăкăт шкулĕн директорĕ А.В.Падусев, Юрий Константиновичăн ашшĕ К.П.Тинюков, ОБЖ преподавателĕ Н.И.Тинюков тата Игорь Ильичăн мăшăрĕ Т.А. Медведева пиртен вăхăтсăр уйрăлса кайнă юлташсене аса илсе сăмах каларĕç.
Хĕрÿ ăмăртура "Стрела" ушкăнри хоккеистсем вăйлăрах пулни палăрчĕ. Вăйă 4:2 шутпа вĕçленчĕ.
Ю.К.Тинюковăн, И.И. Медведевăн ырă ĕçĕсене манманшăн, вĕсене асрах тытнăшăн çемйисемпе тăванĕсем хоккеистсене, çак турнира йĕркелекенсене чĕререн тухакан тав самахĕ калаççĕ.
Батыревский район Чувашской Республики