08:15 13 июля 2016 г.
Патăрьелĕнчи тĕп вулавăша авторсем хăйсен çĕнĕ кĕнекисене парнелесех тăраççĕ. Акă Патăрьел районĕнчи Вăтаел ял историне Николай Алексеевич Плечов ал çырăвĕсенчен йĕркелесе "Пурнăç уттипе" кĕнеке кăларнă. Кĕнекене унăн хĕрĕ, Зинаида Николаевна Иванова (Плечова) пуçтарса хатĕрлесе пичетленĕ.
"Пурнăç уттипе" кĕнекене Шупашкарти "Çĕнĕ вăхăт" пичет издательствинче пичетленĕ.
Кĕнеке Николай Алексеевич хăй çинчен çырнă биографипе пуçланать. Çавăн пекех, Николай Алексеевич тĕрлĕ вăхăтра çырнă сăввисем чуна пырса тивеççĕ. Альбина хĕрĕ çырнă сăввисене те вулама интереслĕ. Кĕнекере Плечовсен йăхне тĕплĕ тĕпченĕ, Николай Алексеевичăн кашни ачи çинчен кĕскен çырса хăварнă, ялти паллă çынсем çинчен те материалсем нумай. Кĕнеке тĕрлĕ ỹкерчĕксемпе пуян, ĕлĕкхи фотографисенчен пуçласа хальхи вăхăтрисене те кĕртнĕ. Уйрăмах Плечовсен ăрăвĕ çинчен çырнине вулама кăмăллă.
Библиотекарьсем авторăн хĕрĕсене асăннă кĕнекекне вулавăша парнеленĕшĕн чунтанах тав тăваççĕ.
Çĕнĕ кĕнекене вулама вулавăша васкăр. Ырă сунса кĕтетпĕр!
АУ «Редакция Батыревской районной газеты «Авангард» Мининформполитики Чувашии