17:23 11 августа 2016 г.
Сăкăт ялĕн çурçĕр хĕвеланăç енче кĕтỹ каçса çỹремелли кĕпер аванах юхăннипе Турикаспа Аслă урам çыннисем пуçтарăнса çырма урлă кĕпер тума калаçса татăлнă. Хăйсен хушшинче аслисене суйласа ял тăрăх пуçлăхĕпе калаçса хĕрỹ ĕçе пуçланă.
Халăхпа пĕрле тытăнсан нумай ĕç тума пулать - пурте кар тăрса ĕçленипе кĕске вăхăтрах çырма урлă кĕпер туса хума май килчĕ.Уйрăмах çак хастарсем маттур ĕçлерĕç - Метин Олег, Назаров Игорь, Лукин Анатолий, Кураков Валентин.
Ял тăрăхĕ те хăй енчен пулăшсах пычĕ. Тимер-бетон материалсемпе усă курса тунипе кĕпер питĕ çирĕп пулса тухрĕ.
Малашне пурте кĕпер урлă хăрамасăрах каçса çỹрĕç.
Сугутское сельское поселение Батыревского района