13:31 07 сентября 2016 г.
Ĕçлекене тивĕçлипех хавхалантарма пĕлет ялшăн, районшăн тăрăшакан Санзяпов Р.Ш. фермер хуçалăх ертÿçи, Патăрьел район депутачĕ. Çитменлĕхсене асăрхать, туса çитерейменнине вĕçлеме пулăшать. Ялан халăхпа пĕрле.
Ыхра Çырми вăтам шкулĕнче çиччĕмĕш класра вĕренекен Абужаров Андрей çу каçипе Решид Шейхуллович хуçалăхĕнче ĕçлерĕ: кĕтÿ кĕтрĕ, выльăх апачĕ турттарчĕ, тислĕк тасатнă çĕрте те тăрмашрĕ. Ĕçрен хăраса тăмасть Андрей. Мĕн хушнине вăхăтра, тирпейлĕ пурнăçлать. Каникул тăршшĕпе ир-ирех тăрса мĕн каçченех тăрăшрĕ.
Маттур ачана Санзяпов Р.Ш. асăрхарĕ паллах. Çĕнĕ вĕренÿ çулĕ ячĕпе саламланă май ĕçчен ачана укçан парса тата вĕр-çĕнĕ мопед парса хавхалантарчĕ.
Андрей Абужаров килес çул та тăван тăрăхрах ĕçлеме шантарчĕ, каникул вăхăчĕ усăллă иртнишĕн, хаклă парнешĕн питĕ хĕпĕртерĕ.
АУ «Редакция Батыревской районной газеты «Авангард» Мининформполитики Чувашии