16:19 20 февраля 2017 г.
Юлашки çулсенче районта тухса тăракан "Авангард" хаçатăн ят-сумĕпе чысĕ ỹснине чăн малтан унăн вулаканĕсем нумайланса пынипе çыхăнтармалла. Хальхи вăхăтра вăл 5147 çемьене саланать. Ку вăл республикăра тухса тăракан район хаçачĕсенчен чи кăтартуллă та пысăк тираж.
Ахальтен мар Чăваш Пичечĕн кунĕнче республикăри информаци политикипе массăллă коммуникацисен министрĕ Александр Иванов хăйĕн докладĕнче Патăрьелсен ырă тĕслĕхне пĕр хутчен мар аса илчĕ.
Çак кунсенче вара хаçатăн тĕп редакторне Нина Мазякована Чăваш наци радиовĕн тĕпелне _ "Тĕплĕ калаçу" кĕрекине _ йыхравларĕç. Уçă калаçура Нина Васильевна творчество ушкăнĕн çитĕнĕвĕсемпе, хаçатри çĕнĕлĕхсемпе, вулаканпа çыракан хушшинчи тачă çыхăнупа, малашлăх плансемпе паллаштарчĕ.
Тĕплĕ калаçу. Выпуск 16.02.2017
АУ «Редакция Батыревской районной газеты «Авангард» Мининформполитики Чувашии