14:19 03 мая 2017 г.
Вăрçăра вилнисем манăçмаççĕ
Пурăнаççĕ çĕр-шыв асĕнче.
Çăлтăрсем пек çиçсе ялкăшаççĕ
ÿсекен ăрусем умĕнче.
Турхан шкулĕн волонтерĕсем Çĕнтерÿ паттăрĕсене сума суса çулленех «Георги хăйăвĕ» акцие хастар хутшăнаççĕ. Тăван çĕр-шывăн Аслă вăрçин ветеранĕсене тав сăмахĕ каланине пĕлтерекен хăюсене халăха валеçсе пама иккĕмĕш хутчен тухрĕç. Паттăрлăхпа вилĕмсĕрлĕхĕн паллине ялăн тĕп урамĕсенче, тĕрлĕ ĕç учрежденийĕнче валеçрĕç.
Георги хăйăвĕ - мăнаçлăх туйăмĕ çуратакан Мухтав тата Астăвăм символĕ. Çак акци Тăван çĕр-шывăн чи пысăк наградисенчен пĕрне - Мухтав орденне хисеп туни. Георги хăйăвĕн историйĕ пуян. Унпа Раççей çарĕнче Çвяттуй Георги орденĕ, Георги хĕресĕ тата Георги медалĕ çумне хурса чи паттăр çынсене наградăланă. Хăю тĕсĕсем - хурапа сарă тĕссем - салтак çапăçу хирĕнче паттăрлăх кăтартнине, вилĕм ункинчен те чĕррĕн тухнине палăртакан паллă.
Вăрçăра пуç хунă салтаксене çамрăк ăру яланах асра тытать, вĕсене аслă Çĕнтерÿшĕн тав тăвать.
Тарханское сельское поселение Батыревского района