Новости » Журналистсен пĕрлĕхĕ пуянланать

18:29 18 мая 2017 г.

Оригинал

Районта тухса тăракан "Авангард" хаçат редакцийĕнчен опытлă та çивĕч пероллă нумай-нумай журналист туптанса тухнă. Вĕсенчен чылайăшĕ Раççей Журналисчĕсен союзĕн, писательсен союзĕн членĕсем.

 Хальхи вăхăтра та творчество ушкăнĕнче професси ăсталăхне çултан-çулах ỹстерсе пыракан калем ăстисем çук мар. Вĕсенчен пĕри хаçатăн ял хуçалăх пайĕн редакторĕнче тăрăшакан Ольга Петровна Павлова. Сăмах май каласан, журналист хаçат редакцине ура ярса пусни 19 çул. Çак тапхăрта вăл икĕ хутчен ЧР Пуçлăхĕн стипендиачĕ, Леонид Ильин ячĕллĕ преми лауреачĕ те пулчĕ. Унсăр пуçне чылай конкурссен çĕнтерỹçи те вăлах. Çак кунсенче Ольга Петровнăна тепĕр сăлтавпа - Раççей Журналисчĕсен сюзĕн членĕн удостоверенине илнĕ ятпа (ỹкерчĕкре редактор тивĕçĕсене вăхăтлăх пурнăçласа пыракан А. Егорова саламлать) хаçат редакцийĕн коллективĕ ăшшăн саламланă.

АУ «Редакция Батыревской районной газеты «Авангард» Мининформполитики Чувашии