Новости » Санкт-Петербургра Пĕтĕм халăх хушшинче иртекен экономика форумĕпе комментари

 Республика Пуçлăхĕ Михаил Игнатьев Санкт-Петербургра Пĕтĕм халăх хушшинче иртекен экономика форумне хутшăнса Чăваш Ен малашлăхĕшĕн, аталанăвĕшĕн тĕрлĕ правительствăпа ĕçлĕ çыхăнусене сарасси çинчен ĕç хутне çирĕплетни пирте, вырăнти влаç представителĕсенче те, пысăк шанăç çуратать. Ку вăл пурте халăх пурнăçне тата ытларах лайăхлатассипе, ырă улшăнусемпе çыхăннă.

Форумра Чăваш Енти халăхсен сывлăхне сыхлас ĕç эффективлăхĕпе пирĕн республика Раççей Федерацийĕн 85 субъекчĕ хушшинче 5-мĕш вырăн йышăнни питĕ пĕлтерĕшлĕ. Ку тĕлĕшпе чăнласах та Чăваш çĕршывĕнче пысăк ĕçсем туни куç умĕнче. 2013 çултанпа хальхи условисене тивĕçтерекен 125 ФАПран улттăшĕ пирĕн районта хута кайнă. Кăçал вара çывăх вăхăтра тепĕр икĕ фельдшерпа акушер пункчĕ ĕçлеме пуçламалла. Вĕсенчен пĕри пирĕн ял тăрăхĕнче _ Именкассинче _ пулĕ. Çывăх вăхăтра пирĕн тăрăхра пурăнакан çынсем те пысăк технологилле медицина çăмăллăхĕпе усă курма пуçлĕç.