20:49 11 июня 2017 г.
Чăваш Республикин Пуçлăхĕ Михаил Васильевич Игнатьев районти акатуя хутшăннă май Патăрьелсен тăрăшулăхне, Раççей Федерацийĕн, республика программисене ăнăçлă хутшăннине палăртрĕ. Унтан вăл июнĕн 8-мĕшĕнче "Обществăлла финанспа ĕçлес сферăра Раççейри чи лайăх муниципаллă район" Пĕтĕм Раççейри X конкурса пĕтĕмлетнине, Патăрьел районĕ III степеньлĕ диплома йышăннине пĕлтерчĕ. Район администраци пуçлăхне Рудольф Васильевич Селиванова малашне те çавăн пек çитĕнỹсем тума сунчĕ.
Сăмах май, конкурса кăçал Раççей Федерацин 64 субъектĕнчен 260 заявка _ 114 хула округĕпе 114 муниципаллă район _ панă. Хутшăнакансен ĕçне бюджет тупăшне, тăкакне, муниципаллă харпăрлăха, бюджета планлас эффективлăха тата бюджета пурнăçланине... _ пурĕ 69 кăтартупа хакланă. Патăрьел районĕ пысăк балл пухса виççĕмĕш степеньлĕ Диплома илнĕ.
АУ «Редакция Батыревской районной газеты «Авангард» Мининформполитики Чувашии