09:36 04 июля 2017 г.
Патăрьелĕнчи улма-çырла питомникĕн çĕр çырли лаптăкĕнче çынсем ирпе-ирех туллиех _ çырла татаççĕ. Пĕрисем тулли витрисене виçтернĕ вăхăтра тепĕр ушкăн çулçăсем айне пытаннă хĕрлĕ çырласене шырама пуçăнать. Çуркунне апатлантарнăран çимĕç çанталăк условийĕсене пăхмасăрах шултăра çитĕннĕрен савăт хăш вăхăтра тулнине сисме те çук.
_ Кăçал çĕр çырли тухăçĕ пĕлтĕрхинчен пĕчĕкрех, çавăнпа та курттăмăн туянакансемпе килĕшỹсем тумарăмăр. Район халăхĕ çителĕклĕ варени тума, хĕле валли шăнтса хума пултартăр терĕмĕр. Çынсем хăйсемех пухаççĕ, _ терĕ питомникăн директорĕ И. Шатилов.
Патăрьел çĕрĕ çинче çитĕннĕ çĕр çырлине татма Шупашкартан, кỹршĕ районсенчен те килеççĕ. Химисĕр, нитратсăр ỹснĕ çимĕçе кашнийĕ хапăлласах туянать.
О. Павлова
АУ «Редакция Батыревской районной газеты «Авангард» Мининформполитики Чувашии