06 августа 2008 г.
19 хуçалăхра пĕрчĕллĕ тата пăрçа йышши культурăсене пуçтарса кĕртессипеl ĕçлеççĕ.
Районĕпе 18754 гектар тĕш-тырă пуçтарса кĕртмелле, унтан 1769 гектар çулнă,l 1383 гектар тĕшĕленĕ.
Вăтам тухăç гектартан 34,5 центнерпа танлашать. Чи пысăк тухăç “Малалла” l (48,54 центнер), “Труд” (46,88), “Батыревское” (45), “Югель” (38,57), Ленин ячĕллĕ (35,13), “Красное знамя” (30,83) хуçалăхсенче тата улма-çырла питомникĕнче (31,74).
Утă районĕпе 5161 тонна хатĕрленĕ.l
Сенаж 21 156 тонна хунă.l
Кĕрхи культурăсене акма 3341 гектар çĕр хатĕрленĕ.l
Тырă йĕтем çине кĕрет
Икĕ “Дон” комбайн кĕрхи ыраш уйĕнче мăнаçлăн пыраççĕ, хыçа гектар хыççăн гектар хăвараççĕ. Хăватлă техникăпа Ю.Горшковпа Г.Кузнецов комбайнерсем тăрăшаççĕ.
– Çумăрсем ытлашши чăрмантармасан вырмана вăраха ямастпăр, – теççĕ “карап” хуçисем.
“Звезда” хуçалăхăн кăçал пĕрчĕллĕ культура 566 гектар йышăнать, ĕнерхи кун тĕлне 50 гектар çапса тĕшĕленĕ. Тырра тÿрех йĕтем çине С.Астраханцевпа М.Зайцев турттараççĕ. Вĕсем те яваплă тапхăра çулленех хутшăнаççĕ.
Анат Туçасем вырмана çулленех кĕске вăхăтра вĕçлесе ытти хуçалăхсене те пулăшма каяканччĕ, кăçал та пушаннă хыççăн уй-хир “карапĕсене” ахаль лартасшăн мар.
О. БЕЛЬДЕКОВА.