Публикации » 3133 çемье çăмăллăхпа кредит илнĕ

16 августа 2008 г.

Килти хушма хуçалăха аталантарасси çăмăлах мар. Уйрăмах çĕнĕрен çурт-йĕр çавăракансене йывăр. Юрать-ха юлашки çулсенче патшалăх тимлĕх уйăрма тытăнчĕ. Выльăх-чĕрлĕх ĕрчетекенсемпе тыр-пул çитĕнтерекенсемшĕн, çавăн пекех ял хуçалăх техники туянакансемшĕн çул уçăлчĕ тесех калас килет. Кирлĕ хутсене хатĕрлесен банксем укçа-тенкипе тивĕçтереççĕ. Килти хушма хуçалăха аталантарас тĕ-лĕшпе районти 3133 çемье çăмăллăхлă кредит илнĕ. Ку вăл мĕн пур хушма хуçалăхсен 23,5 проценчĕ пулать. Укçи-тенки те сахалах мар, 511 миллион тенкĕрен те иртет. Кăçал çеç 692 çемье çак çăмăллăхпа усă курма ĕлкĕрчĕ. Документ тăвакансем те йышлă.

А.ИВАНОВ.