Публикации » Район рекорчĕ мар-ши çакă;

16 августа 2008 г.

Кунĕпех паян ĕçлерĕм, эп... уйĕнче, уйĕнче... Çак юрра шăрантаратчĕç ĕлĕкрех. Юрла-юрла ĕçлемелĕх халĕ те сăлтавĕ пур. Тинĕс евĕр чÿхенсе ларакан сарă тырă пуссисем ĕç аллине кĕтеççĕ. Çумăрĕ чăрмантармарĕ юлашки кунсенче. Комбайнсем иртен пуçласа çурçĕр иртсе сывлăм ÿкичченех паккус хыççăн паккус çапса анасене пушатаççĕ. Йĕтем çинче тырă сăрчĕсем тăваççĕ. “Батыревский” пĕрлешÿре тыр-пул ăстисем пĕр кунта 314 тонна çапса илнĕ. Г.Арланов комбайнер В.Плешков пулăшаканĕпе кăтартăва 105 тоннăна çитернĕ. Иккĕмĕш вырăнта – Н.Викторов. 79 тонна çапнă. В.Капитонов ăна 3 тонна çеç хăваласа çитеймен.