Публикации » Сиплев çурчĕ çĕнĕ çĕрте пулать

16 августа 2008 г.

Турхан ял тăрăхĕнче халиччен ĕçленĕ врач амбулаторийĕн çурчĕ кивелнĕ. Унпа малалла усă курма майлах мар. Сывлăх учрежденийĕ вара кирлех. Çывăхарах вырнаçнă 14 ялти 7 пин ытла халăх медицина пулăшăвĕ илме кунта çÿрет. Çавна май юрăхлă здани тупса врач офисĕ уçасси тăрать кун йĕркинче. Малтанласа çурт-йĕрне тĕрлĕ çĕрте палăртса пăхрĕç: 12 хваттерлĕ пурăнмалли çуртăн пĕр пайне, “Хастар” кооперативăн правленине. Унччен механизаторсен çурчĕ пулнă вырăн вара килĕшерех пачĕ. Асăннă объектра ĕçлĕ ушкăн пулчĕ. Район пуçлăхĕ Н.Глухов, Турхан ял тăрăхĕн ертÿçи А.Сымов, хуçалăх председателĕ Н.Родионов, обществăлла инфраструктура аталанăвĕн тата строительство пайĕн начальникĕ И.Дикин, район больницин тĕп врачĕ Н.Тинюков врач офисĕ кунта пулассине ырларĕç. Çуртăн проектпа смета докуменчĕсене хатĕрленĕ, юсав ĕçĕсене пуçăннă. Подрядчикĕ – “Новый мир” тулли мар яваплă пĕрлешÿ.