16 августа 2008 г.
Кăнтăр Осетире Грузи влаçĕсене пула инкек тÿснисене пулăшма пĕтĕм Раççей пекех Чăваш Республики те тивĕçлĕ тÿпе хывать. Эрнене яхăн ĕнтĕ Шупашкарти юн илекен станци донорсене йышăнать. Инкек тÿснисем валли юн илет.
“Единая Россия” партин Чăваш Енри уйрăмĕ Кăнтăр Осетири кил-çуртсăр тăрса юлнисем валли ăшă япаласем, хăвăрт пăсăлман апат-çимĕç пухассипе пуçару турĕ. Халĕ унăн Шупашкарти обществăллă приемнăйне халăх пырсах тăрать.
Шупашкарти “Патриот” çарпа спорт центрĕ Кăнтăр Осети ачисене пулăшма пуçару тунă.
Гуманитари тиевлĕ пĕрремĕш автомашина Мускава пырса çитнĕ.