Публикации »

20 августа 2008 г.

“Ларăр, камăн каймалла, пирĕн çула тухмалла”, – тет кашни чарăнурах Канашри автотранспорт предприятийĕн Патăрьелĕнчи филиалĕнче ĕçлекен И. Краснов водитель. Çул çинче утакана та чарса лартма ÿркенмест вăл. Васкакана кĕтсе тăрать. Ĕçе каякансене вăхăтра илсе çитерет. Ерипен кайсах инçе çула вăхăтра çитет. Шупашкара çÿрекен пассажирсем те хисеплеççĕ ăна. Хĕрĕ-ывăлĕ валли кирлĕ документсене илсе кайма та хирĕçлемест амăшĕсенчен. Чарăнусенче ачаллă пассажирсене, ватăсене малтан лартать. Кирек камăн ыйтăвне те хирĕçлемесĕр пурнăçлать. Çавăнпа ĕçĕ те ăнать водителĕн.