23 августа 2008 г.
Пурăннă пулсан Геннадий Айхи кĕçнерникун 74 çул тултармаллаччĕ. Анчах шел, пурнăçран уйрăлчĕ. Асран тухмасть поэт, ĕçĕсем ĕмĕрлĕх юлнă унăн.
“Айхи фончĕ” общество организацийĕ Чăваш Енре Геннадий Николаевича халалласа фестиваль ирттерет. Вăл Чăваш наци библиотеки конференцзалĕнче “Айхин ХХ-ХХI ĕмĕрсен чиккинчи пултарулăхĕ: чăваш тата вырăс чĕлхисен тĕкĕрĕ витĕр” конференципе уçăлчĕ.
Конференци хыççăн Чăваш патшалăх ÿнер музейĕнче “Çак куçсен тĕнчи-3” курав пуçланчĕ. Г.Айхи пултарулăхĕпе çыхăннă виççĕмĕш курав пулчĕ çакă.
Сумлă поэта халалланă мероприятисен пысăк пайĕ унăн тăван ялĕнче, Çĕньялта иртрĕ. Ун пирки тĕплĕнрех çитес номерте паллаштарăпăр.