27 августа 2008 г.
Район администрацийĕн пĕчĕк залĕнче ветерансен канашĕн ларăвĕ иртрĕ. Калаçу Грузи çĕр-шывĕ Кăнтăр Осети çине тапăннă пирки пычĕ. Кун йĕркинчи темăна районти ветерансен канашĕн ертÿçи В.Владимиров тĕп-лĕн çутатрĕ. Грузин юнлă ĕçĕсене чĕререн хурласа Тăван çĕр-шывăн Аслă вăрçин участникĕсем Н.Софронов, Р.Сингатуллин, В.Воробьев, В.Задоров, Н.Губанова, педагогика ĕçĕн ветеранĕ В.Викторова, ĕç ветеранĕ, тава тивĕçлĕ ветеринари врачĕ О.Седойкина, М.Суханов ĕç ветеранĕ сăмах илчĕç. Пурте ыр кăмăллăх акцине хутшăнма пулчĕç. Виталий Владимирович 500 тенкĕ пулăшу укçи хывнине ырларĕç.
Лару ытти ыйтусене те пăхса тухрĕ, пуринпе те тивĕçлĕ йышăну кăларчĕ.
В.НАПЕРСТКИН.