Публикации » Район чысне хÿтĕленĕ, хăй ятне те çĕкленĕ

03 сентября 2008 г.

Нумай пулмасть тĕп хуламăрта чушкăлла выляссипе мала тухассишĕн чемпионат иртнĕ. Хальхи вăхăтра анлă сарăлайман спортăн çак енĕпе ытларах хулара пурăнакансем кăсăкланаççĕ-мĕн. Çавăнпа ăмăртăва та вĕсем йышлăн хутшăннă. Апла пулин те пирĕн район чысне хÿтĕлекен те тупăннă. Патăрьелĕнче пурăнакан Г.Елкин хăй ирĕкĕпе çак чемпионата хутшăнса хулари ăста спортсменсем хушшинче виççĕмĕш призлă вырăна çĕнсе илнĕ. Геннадий Васильевич çак вăйăпа “чирлени” 5-6 çул çеç-ха. Çапах вăл хăйĕн вăйне Ижевск, Йошкар-Ола хулисенче иртнĕ Раççей чемпионачĕсенче те тĕрĕслесе пăхма ĕлкĕрнĕ. Спортсмена малашне те ăнăçу сунар.