13 сентября 2008 г.
Турханта пурăнакан педагогика ĕçĕн ветеранĕ Валентин Спиридонович Давыдов Кăнтăр Осетинчи трагедие чун ыратăвĕ вырăнне хурса йышăннă. Пенсионер инкек курнисене кăштах та пулин пулăшма, вĕсен хуйхине пайлама хăй шутĕнчен пулăшу счечĕ çине пилĕкçĕр тенкĕ укçа куçарса панă.
В.Давыдов çулĕпе çамрăк мар, тăххăрмĕш теçеткере пырать. Вăл обществăлла ĕçре те хастар. Валентин Спиридонович вырăнти ĕçпе вăрçă ветеранĕсен канашĕн ертÿçи. Хăйĕн ĕмĕрĕн ытларах пайне вĕрентекен çитĕнекен ăрăва тивĕçлĕ воспитани парас тесе тимленĕ. Тÿрĕ чунлă ватă ялта та пысăк авторитетлă.