Публикации » Ултав-усалăн ури те саккăр

13 сентября 2008 г.

Çак кунсенче Патăрьелĕнче пурăнакан пĕр çамрăк кин хăйĕн чĕре ыратăвне пусарма хаçат редакцине килчĕ. Пĕр ача амăшĕ вăл, мăшăрĕпе пурнăç çулĕ çине тăраççĕ çеç-ха. Анчах та çак кĕске тапхăртах мăшăрĕн амăшĕ унтан писме ĕлкĕрнĕ, ăна чĕрене кÿрентермелли ултав сăмахĕсем каласа суранлатнă. Çамрăк кин çак кунсенче тÿрре тухнă темелле. Суд ун майлă пулса хунямăшне штраф панă. Ултав-усалăн ури иккĕ çеç мар, саккăр теççĕ. Çемье сыхланса юлтăр, мăнук çирĕп ÿстĕр тесен суд сакки çине ларнă хыççăн икĕ енĕн те пĕтĕмлетÿ тумаллах пек. Хирĕçнипе пурнăç малалла каяймĕ.