24 сентября 2008 г.
Авăнăн 19-мĕшĕнче район пуçлăхĕ Н.Глухов Нăрваш Шăхаль ял тăрăхĕнче пулнă, вырăнти ертÿçĕсемпе ял тăрăхĕн социаллă-экономикăллă аталанăвĕ пирки сÿтсе явнă. Николай Ивановичпа райадминистрацин вĕрентÿ пайĕн пуçлăхĕ В.Осипов тата В.Платонова шкул директорĕпе Нăрваш Шăхалĕнчи шкулта пулса çуртăн çивиттине юсас, реконструкцилес, ялта ача сачĕ уçас ыйтусене çивĕчлетнĕ.
Çак кунхинех район пуçлăхĕ Н.Глухов ĕçлĕ çул çÿревпе Турханта пулнă. Кунта вăл пĕтĕмĕшле практика врачĕн офисĕ пулмалли çуртра пыракан строительство ĕçĕсемпе паллашнă. Хальхи вăхăтра кунта шалти ĕçсем пыраççĕ, электричество, пушарпа хурал сигнализацийĕн ыйтăвĕпе, территорине тирпейлессипе тимлеççĕ.
(Хамăр корр.).