24 сентября 2008 г.
Иртнĕ кĕçнерникун Нăрваш Шăхальсемшĕн хăйне евĕр уяв, асра юлмалли кун пулса çырăнса юлнă. Раççей тава тивĕçлĕ спорт мастерне, Пекинри Олимпиадăн бронза призерне, маунтинбайк енĕпе Тĕнче чемпионкине, районăн мухтавлă та маттур хĕрне Ирина Калентьевăна ял халăхĕ, тăван-пĕтенĕ, ял тăрăх пуçлăхĕ Н.Яковлевпа спортсменкăн пĕрремĕш тренерĕ В.Афанасьев ăшшăн та тараватлăн кĕтсе илнĕ, çĕнтерÿпе саламланă. Тунă çитĕнÿ Иринăшăн юлашки чикĕ мар. Çакна вăл ял халăхĕпе тĕл пулнă вăхăтра та çирĕплетсех каланă.