01 октября 2008 г.
Патăрьелĕнче 1993 çулта çуралнă тата кĕçĕнрех хĕр ачасемпе арçын ачасем хушшинче волейболла выляса мала тухассишĕн зонăри ăмăрту иртнĕ. Унта пирĕн район спортсменĕсемсĕр пуçне Канаш хулин, Комсомольски, Тăвай тата ытти район командисем хутшăннă. Хĕр ачасем хушшинче Тăвайсем çĕнтернĕ. Пирĕн район пикисем иккĕмĕш, Канашсем виççĕмĕш вырăна тухнă.
Арçын ачасем хушшинче каллех Тăвайсене çитекенни пулман. Канашсемпе Каçалсем иккĕмĕшпе виççĕмĕш вырăнсене пайланă. Патăрьелсен тăваттăмĕш вырăнпа çеç çырлахма тивнĕ.
А.ИВАНОВ.