08 октября 2008 г.
Иртнĕ эрнекун, юпан 3-мĕшĕнче, Кĕçĕн Патăрьел çывăхĕнчи Пăла юхан шывĕн тÿрлетнĕ çĕнĕ çулĕпе пуçласа шыв шăнкăртатма пуçланă. “ТПК «Шыгырданы” тулли мар яваплă общество кунти шывăн çулне тÿрлетмелли ĕçе июль уйăхĕнче пуçларĕ. Строительсен ĕç объекчĕ пĕчĕкех мар, 1108 метр шыв çулне çырансене тĕреклетсе тÿрĕрен ямалла. Çак ĕçе хута яма 15 миллион тенкĕ ытла хывмалла. Мĕн пур ĕçсене октябрь вĕçне вĕçлеме палăртнă.
Малашне çуркуннехи шыв-шур сарăлнă вăхăтра Пăла çывăхĕнче пурăнакан хуçалăхсем те сăтăр курмĕç. Иртнĕ çул çавнашкал ĕçе Кивĕ Катек çывăхĕнче пурнăçланă.