08 октября 2008 г.
Районти тĕп больницăри Н.Надина врач-нарколог районти тĕп библиотекăра яланах кĕтнĕ хăна. Вăл хастар вулаканçă çеç мар, чылай мероприяти йĕркелÿçи те. Надежда Борисовна библиотека çумĕнче ĕçлекен “Ровесник” клуба та ăнăçлă ертсе пырать.
Обществăлла ĕçре хастар тухтăр тĕп библиотекăра йĕркеленĕ “Дарение по велению души” ятпа пыракан акцинчен те айккине пăрăнса юлман. Çак кунсенче вăл вулавăша мĕн пур ăшă та ырă кăмăлтан 40 ытла кĕнеке парнеленĕ. Кунта тĕрлĕрен автор çырнă детективсем те, романсем те, самбо енĕпе интереслĕ кĕнекесем те пур. Урăхла каласан врач-наркологăн “чун апачĕ” нумай-нумай вулакана усă кÿрĕ.