Публикации » Тĕпчев ĕçне явăçнă

08 октября 2008 г.

Туçари вĕрентÿ центрĕн аслă класĕсене çÿрекенсем “Раççей – ХХ ĕмĕр. Çын историнче” тĕпчев ĕçĕ çырса Пĕтĕм Раççейри IX конкурса хутшăнчĕç. Ăна Пĕтĕм тĕнчери Д.Лихачев ячĕллĕ ыркăмăллăх фончĕ, Раççейри патшалăх гуманитари университечĕн историпе краеведенин кафедри, Раççей краевечĕсен Союзĕ, “Мемориал” общество йĕркеленипе ирттернĕ. Конкурса 2007-2008 çулсенче 2394 ĕç тăратнă. Вĕсем Раççейĕн 1200 хулапа ялĕнчен, поселокĕнчен пулнă. 33-шĕ – Чăваш Енрен, 12 ĕçĕ вара пысăк шайра тĕпченĕскерсем. Вĕсем хавхалантару грамотисене тивĕçсе иккĕмĕш тура хутшăннă. Вĕрентÿ центрĕнчи Павел Табаков (ертÿçи П.Мулюков) “Пĕр палăк историйĕ” ĕçĕпе виççĕмĕш тура çитнĕ. Грамотăпа кĕнеке çĕнсе илнĕ.