11 октября 2008 г.
Юпан 9-мĕшĕнче район депутачĕсен Пухăвĕн ХХI ларăвĕ пулнă. Пухăва район пуçлăхĕ Н.Глухов, Раççейри федераллă налук службин Чăваш Республикинчи районсем хушшинчи инспекци начальникĕ Е.Чернов, район прокурорĕн çумĕ В.Ягудин, райадминистрацин структура подразделенийĕсен ертÿçисем, ял тăрăх пуçлăхĕсем хутшăннă. Ларăва депутатсен Пухăвĕн председателĕ М.Петров ертсе пынă.
Депутатсем “Развитие культуры Батыревского района на 2009-2012 годы”, “Профилактика потребления табака и табачных изделий в Батыревском районе на 2009-2011 годы”, “Развитие гражданской обороны, снижение рисков и смягчение последствий чрезвычайных ситуаций природного и техногенного характера в Батыревском районе” программăсене, муниципаллă пурлăха приватизацилемелли плана йышăннă.
Çавăн пекех ларура налук, бюджет ыйтăвĕсемпе çыхăннă йышăнусене улшăнусемпе хушăмсем кĕртнĕ, çĕрпе усă курнинчен кĕрекен тупăшăн коэффициентне çирĕплетнĕ тата ытти ыйтусене те пăхса тухнă.