11 октября 2008 г.
Ĕнер Мускавра Пĕтĕм Раççей куравĕн центрĕнче “Ылтăн кĕркунне” 10-мĕш юбилей куравĕ ĕçлеме пикеннĕ. Вăл пилĕк кун хушши тăсăлĕ. Пирĕн республикăн агропромышленность комплексне унта 112 тăваткал метр çĕр уйăрса панă. Çакăнта АПК отраслĕсен аталанăвне пур енлĕн кăтартма тăрăшнă. Çĕнĕ тĕл пулусем, пĕр-пĕрне кăсăклантаракан ыйтусем тавра иртекен калаçусем, куравра çĕнсе илнĕ наградăсем – çаксем, паллах, ял хуçалăх продукци туса илес ĕçре çĕнĕрен çитĕнÿ тума май парĕç.
Чăваш Ен делегацийĕн йышĕнче пирĕн район пуçлăхĕ Н.Глухов, “Батыревский” хупă акционерлă пĕрлешÿ ертÿçи П.Ялуков, “Исток” çĕр ĕç фирма ертÿçи А.Илюткин, “Красное знамя” хуçалăх ертÿçи П.Никифоров, “Звезда” хуçалăх ертÿçи В.Кузнецов хутшăнаççĕ. Республикăра вăл шутра пирĕн районта та Ял хуçалăхĕпе продукци тирпейлекен промышленноçра ĕçлекенсен кунне ноябрь уйăхĕнче уявлама палăртнă.
А.ИВАНОВ.