11 октября 2008 г.
Тутар Сăкăтĕнче çуралса ÿснĕ С.Хуснетдинов паллă эколога хăйне палламасан та унăн ырă та пархатарлă, сăваплă ĕçĕ пирки хаçат вулакансем пĕрре мар та илтнĕ пулĕ. Йывăçсен тусĕ, вăрман улпучĕ, парк йĕркелÿçи тесе хаклас килет ăна. Аксакал хăйĕн вăйĕпе çак ял вĕçĕнче мĕн тери хитре кану вырăнĕ туса ячĕ!
Çывăх вăхăтра, октябрĕн 18-мĕшĕнче, кăнтăр апачĕ умĕн Сиразетдин абый хăйĕн сулмаклă юбилейне, 80 çулне паллă тума хатĕрленет. Çак кун юбиляра саламлакансем йышлăн пулĕç. Каçал тăрăхĕнчи Урмаелти тутарсен обществăлла центрĕн ертÿçи Ф.Гибатдиновпа “Мишар” ансамбль те çут çанталăк тусне юбилейпа саламлама çула тухма хатĕр.