Публикации » Пулас чиркÿ никĕсне яма хатĕрленеççĕ

15 октября 2008 г.

Районти кашни ял тăрăхĕнче тенĕ пекех кĕлĕ çурчĕсем – чиркÿсем пур. Тăрăнти чиркÿсĕр пуçне пур çĕрте те вăхăтлăха вĕсене хупса лартнă, ĕçлеме чарнă... Самана саккунĕ çапла пулнă. Чылай прихутсенче кĕлĕ çурчĕсене каялла тавăрчĕç, çĕнĕрен вăй кĕртрĕç. Ку таранччен Нăрваш Шăхаль ял тăрăхĕнче вара чиркÿ çукчĕ. Çак таврари çынсем кĕлĕсене е Патăрьелне, е урăх ялсене çÿретчĕç. Малашне вĕсен те хăйсен чиркĕвĕ пулĕ. Халĕ Нăрваш Шăхалĕнче Николай святитель ячĕллĕ пулас чиркĕвĕн никĕсне яма çĕрне тирпейлеççĕ. Çавăнпа та ял тăрăхĕ çак ĕçе хăвăртлатас тĕллевпе çынсем ыркăмăллăх меслечĕпе хастар ĕçлессе шанать. Ырă ĕç пурне те ырă йĕр хăварĕ.