15 октября 2008 г.
Шăнкăртамри вăтам шкулта районти шкул директорĕсен семинар-канашлăвĕ иртнĕ. “Шкулсен тата педагогсен вĕрентÿ пахалăхне палăртасси” темăпа Шăнкăртамри вăтам шкул директорĕ Г.Абейдуллова доклад тунă. Доклада сÿтсе явма районти вĕрентÿ пайĕн ертÿçин çумĕ Н.Афанасьев, Ыхра Çырми шкул директорĕ М.Сайдашев, Патăрьелĕнчи 1-мĕш вăтам шкул директорĕ В.Солдатов, Патăрьелĕнчи 2-мĕш вăтам шкул директорĕ Л.Сафронова хутшăннă.
Çавăн пекех Туçа вĕрентÿ центрĕн директорĕ П.Шашкин доклад çумне хушса тухса калаçнă. Семинара хутшăннисем шкулта вĕренÿпе воспитани мĕнлерех йĕркеленипе, уроксенче компьютер технологийĕпе усă курнипе паллашнă.
А.ИЛЬИН.