18 октября 2008 г.
Патăрьел ял тăрăх пуçлăхĕн тивĕçĕсене туса пыракан В.Сельцовăн хушăвĕпе килĕшÿллĕн 2010 çулта пулакан Пĕтĕм Раççейри халăх перепиçĕпе çыхăннă ыйтусене оперативлă татса парас, çак яваплă тапхăра лайăх хатĕрленсе ирттерсе ярас тĕллевпе ятарлă комисси туса хунă. Çак кунсенче çырав комиссийĕ ялти урамсемпе тăкăрлăксен ячĕсемпе çурт, хваттер номерĕсене пăхса тухнă, килти хушма хуçалăхри выльăхсен йышĕпе, туса илнĕ продукцин тупăшĕпе кăсăкланнă. Адреслă хуçалăхсенче тĕл пулнă çитменлĕхсене пĕтерме асăрхаттарса акт çырнă.
Ял тăрăхĕн администраци çуртĕнче 2010 çулхи халăх çырăвĕпе кăсăкланакансем валли тулли информаци илме ятарлă стенд пур. Унпа пурте тĕплĕн паллашма пултараççĕ.