Публикации » Кăчăр-кăчăртатмăша касмакарчамас çÿрет яра куна

22 октября 2008 г.

Алманчăсем кирек мĕнле культурăна та технологие пăхăнса çитĕнтерсе илме пĕлеççĕ. Паллă ĕнтĕ, ăста алăран тухăçĕ те вăйлă тухать. Кăçал çак ялсене ытти пахча çимĕçпе пĕрлех купăста ăнса пулни савăнтарнă. Кăчăр-кăчăртатмăш çимĕçе машини-машинипе сутма ăсатаççĕ. Çĕр ĕç фирми çак ĕçе камсен вăйĕпе усă курса тирпейлет тетĕр; Тĕп ĕçченсемсĕр пуçне пенсионерсем купăста касма питĕ хастар хутшăнаççĕ. Вĕсенчен чи асли те чи правурри – Л.Хадарова пенсионерка. Çывăх вăхăтра 80 çул тултаракан Лидия Сергеевна нумай-нумай çамрăксемшĕн ырă тĕслĕх вырăнне пулмалла. Шурăмпуç çутăлса çитичченех утать вăл купăста уйне. Кун каçипе пĕр ырмасăр ĕçлет. Мухтамалăх та, тав тумалăх та пур кинемее.