22 октября 2008 г.
Патăрьелĕнчи ачасемпе çамрăксен спорт шкулĕнче районти шкулсем хушшинче сĕтел çинче теннисла выляса мала тухассишĕн ăмăрту иртнĕ.
Пĕтĕмĕшле пĕлÿ паракан тĕп шкулсем хушшинче Кзыл-Чишмасем çĕнтернĕ. Команда чысне Ф.Хуснетдинов, Д.Сафин, Ф.Мезитова хÿтĕленĕ. Анат Туçасемпе Кивĕ Ахпÿртсем иккĕмĕшпе виççĕмĕш вырăнсене пайланă.
Вăтам шкулсенчен Нăрваш Шăхальсене çитекенни пулман. А.Кошкин, А.Айкин, А.Николаева чăннипех те ăста вылянă. Алманчăсем иккĕмĕш, Первомайскисем виççĕмĕш вырăн йышăннă.
Хĕрсем хушшинче Сăкăтри вăтам шкулта вĕренекен О.Артамонова çĕнтернĕ. А.Николаева (Нăрваш Шăхаль вăтам шкулĕ) иккĕмĕш, Е.Кошелева (Аслă Чемен вăтам шкулĕ) виççĕмĕш вырăнта.
Арçын ачасенчен Нăрваш Шăхалĕнчи вăтам шкулта вĕренекен А.Кудряшов ăстарах выляни палăрнă. Алманчăри вăтам шкулта вĕренекен А.Зиминпа Р.Быков иккĕмĕшпе виççĕмĕш вырăнсенче.