25 октября 2008 г.
Республикăра иртсе пыракан Ырă ĕçсен çулталăкĕнче тепĕр ырă та пархатарлă çын, Тутар Сăкăтĕнчи Сиразетдин Садртдинович Хуснетдинов, чăн-чăн çут çанталăк тусĕ, 80 çул тултарнине паллă тунă. Эколог-аксакала пысăк юбилейпа алă тытса саламлама ялти культура çуртне йышлăн пуçтарăннă. Чыслава райадминистраци представителĕ, районти тĕп эколог М.Хафизов, районти куç курманнисен обществин председателĕ И.Глухов, мăсăльман прихучĕсен, Каçалти тутарсен обществăлла центрĕн представителĕсем, юбилярăн тăван-пĕтенĕпе чи çывăх юлташĕсем хутшăннă.
Хисеплĕ аксакала, районти хастар эколога, “Авангард” хаçатăн штатра тăман корреспондентне, утар-çăна, купăсçăна чи малтанах ял тăрăх пуçлăхĕ З.Сабитов ăшшăн саламланă. Юбиляр уявне Каçалти “Мишар” ансамбль, районти культурăпа кану центрĕн сцена ăстисем асра юлмалли кунне илем кÿнĕ.