25 октября 2008 г.
“Красное знамя” хуçалăхра кĕрхи ĕçсем йăлтах тирпейленсе пĕтнĕ. Куç тулли пÿлмесемпе савăнмалли çеç юлнă темелле. Кĕрхи ĕçсене ăнăçлă вĕçленĕ ятпа çак кунсенче ялти культура çуртĕнче ваттисемшĕн те, вĕттисемшĕн те пĕрлехи кĕрхи бал иртнĕ. Ылтăн кĕркуннене аса илтерекен капăр зала халăх йышлă пуçтарăннă. Уява хапăл тунисене ял тăрăх пуçлăхĕ В.Кузнецов саламланă, пысăк хастарлăхшăн, пулăшушăн тав тунă.
Культура ĕçченĕсем уявăн сĕмне кĕртме “Кĕркунне мисĕ” конкурс йĕркеленĕ, халăх пукане театрĕ Н. Полоруссов-Шелепин “Автанпа кушак” пьесипе савăнтарнă.