25 октября 2008 г.
Кÿкеçре Чăваш Республикин “Урожай” спорт обществинче алă вăйĕ виçессипе (армрестлинг) мала тухассишĕн 1990-1994 çулсенче çуралнă хĕрачасемпе арçын ачасен ăмăртăвĕ иртнĕ. Унта Патăрьел районĕн команди те хутшăннă.
Çивĕч тупăшусенче хăйсен виçисенче пĕрремĕш вырăн Азат Якупов, Валерий Макаров, Василий Волков, Петр Куприянов, Рамин Зейнетдинов, хĕрачасенчен Валентина Васильева, иккĕмĕш вырăна Арслан Алеев, Николай Кириллов, хĕрачасенчен Алсу Алеева, Дамира Салеева йышăннă.
Канашпа Шупашкар районĕсен атлечĕсене кая хăварса, Патăрьелсем çĕнтернĕ.