29 октября 2008 г.
Ирĕклĕ майпа кĕрешсе Чăваш Республикинче мала тухассишĕн 1989-1991 татаl 1992-1993 çулсенче çуралнă çамрăксен ăмăртăвĕ Шупашкарта иртрĕ. Унта Патăрьел районĕн спортсменĕсем те хутшăнчĕç. Хăйсен виçисенче С.Гусаров (Сăкăт, тренерĕ – В.Анюров), А.Елимов (Çĕньял, тренерĕ – Ю.Самарин) иккĕмĕш, А.Филипповпа В.Пянкин (тренерĕ А.Камалетдинов) виççĕмĕш вырăнсене йышăнчĕç.
Пензăра наци спорчĕн енĕсемпе Пĕтĕм Раççейри финалти ăмăртусем иртрĕç.l Армспорт тата ирĕклĕ майпа кĕрешес енĕпе Чăваш Республикин чысне Патăрьел районĕн атлечĕсем хÿтĕлерĕç. Хăйсен виçе тата ÿсĕм категорийĕсенче армспорт енĕпе А.Якупов, В.Макаров, Е.Еремеева, А.Михайлова пĕрремĕш вырăнсене йышăнчĕç, ирĕклĕ “Урожай” спорт обществин чемпион хăйăвне тивĕçрĕç. Иккĕмĕш вырăнсенче А.Алеева тата унăн ашшĕ И.Алеев.
Командăсем хушшинче Чăваш Ен иккĕмĕш вырăнта. Малта хуçасем – Пенза облаçĕн атлечĕсем.
Ирĕклĕ майпа кĕрешсе хăйсен виçе тата ÿсĕм категорийĕсенче А.Михайлова, И.Клементьева, Т.Кондратьева иккĕмĕш вырăнсене йышăнчĕç. Команда иккĕмĕш вырăнта.
Республика командине ăнăçлă хатĕрленĕшĕн И.Алеевпа М.Зейнетдинов тренерсем дипломсене тивĕçрĕç.
А. АЛЕКСЕЕВ.